السفر لبريطانيا

قصدي لو انت من النوع الي ملكش في الإنكليزية من قراءه قصص او جرايد او افلام بدون ترجمه هتاخد وقت عشان توصل للمطلوب.

وعشان توصل للمطلوب بسرعه فالامر يختلف من شخص لشخص لعده اسباب:

اولا الرغبه

ثانيا كميه الوقت الي بتوفره للانكليزي

ثالثا عمرك كلما كنت اصغر عمرا هتكون ذهنيا اسرع

رابعا هل بتاخد كورس مع شخص يعرف ازاي تخليك تعدي ويعرف التركات او الاسرار بتاعه الامتحان.

خامسا نوع الكتب الي بتعتمدها في الدراسه

سادسا وهو الاهم خلفيتك واساسك الانكليزي. كلما كنت متاسس صح كنت اسرع في العبور.

سابعا انك متياسش ابدا لانك بدون متشعر انت بتتحسن بس محتاج مجهود ووقت وتتعلم من اخطاءك.

ثامنا وده مهم جدا متدخلش الامتحان كثير. روح جرب الامتحان عشان تشوف مستواك بعد متعرف ايه هو الايلتس وبعدين تتدرب في البيت ولما تشوف ان درجتك وصلت الدرجه المطلوبه امتحن ثاني..

طيب ندخل على الخطوات العمليه الي انا عملتها والي رفعت درجاتي من 

Listening 5.5 to 7.5

Reading 6 to 7.5

Writing 5.5 to 7.5

Speaking 7 to 7.5

طبعا بعد مدخلت كورس في بريطانيا لمده 3 شهور وخلصت 30 كتاب ايلتس لان مستوايه كان تحت خالص.

طبعا صعب انك تدخل كورس في بريطانيا بس ممكن تلاقي حد او كورس يعلمك لو كان مستواك ضعيف زيي.

*************************

اخذت كورس في المعهد ده

http://www.brasshouse.ac.uk/

طيب ايه الخطوات العامه الي تحسن مستوايه في الايلتس؟ ؟
اقرا كل يوم جريده او مجله لمده ساعه الاقل مثل
Independent
The Gaurdian
The economist
BBC
اقرا عن السياسه والفن والتقارير العلميه
اسمع كل يوم
6 minutes BBC
BBC NEWS
Movie with English subtitles listen and read in the same time.
بالنسبه للمحادثه محتاج تقرا مواضيع بصوت عالي او تسمع محادثه وتكررها بصوتك او تلاقي حد تتكلم معاه وتسجل لنفسك وتكتب الي قلته وتصلحه.

الايلتس المطلوب هو الايلتس الاكاديمي طبعا.
اصعب حاجه ممكن تجتازها وتاخد وقت وبتفاق كل الاراء هي ال writing
انا اتحسنت من 5.5 الى 7.5 في شهرين بس لان الاكادميه علمتني صح ازاي اكتب ريتنج. مع كتابه 3
Essay يوميا.

طيب بالنسبه للاستماع انت محتاج تحل اكبر عدد ممكن من الاسئله تحت ضغط الوقت.
ايه التريك او لغز الاستماع الي ممكن يخليك تجيب سكور عالي.
بالنسبه ليه انا كنت استغل كل ثلاثين ثانيه بيدهوالي في الامتحان عشان اقرا بسرعه السيكشن الثاني واعلم على الكلمه الي قبل وبعد الفراغ بحيث لما اسمعها اعرف الكلمه الناقصه.
انت محتاج طبعا تتعلم
Spelling
لان كل كلمه ناقصه اي حرف تعتبر غلط
محتاج تتعلم تكتب كثير وصح. مثل الايام والاشهر ومقتنيات البيت والمكتب
عاده مفيش كلمات معقده او مكلكعه.
انا حليت كل كامبريدج بوكس الي هم 11 كتاب
بالإضافة لكتب ثانيه مشهوره حليتها كلها وكنت بكررها.
براي افضل كتاب واقواهم واصعبهم هو
Cambridge IELTS official
http://ieltsmaterial.com/offical-cambridge-guide-ielts/
كتاب قوي وخطيرلازم تقراه وتحل كل اسئلته برايي اسئلته مشابهه لاامتحان الايلتس لو جبت فيها سكور روح امتحن وتوكل على الله.
متنساش تشوف فديوات العسل Liz IELTS
على اليوتيوب.

بالنسبه للرايتنج لازم تعرف الجرامر كويس لان عليها درجات مهمه في السبيكنج والرايتنج.
وانصحك بكتاب IELTS CAMBRIDGE GRAMMER
http://www.myenglishpages.com/site_php_files/grammar.php

الرياتنج محتاج تعرف تكتب رايتنج ازاي عن طريق مدرس خاص وتكتب كل يوم وتتعلم من خطائك
.
http://dxschool.org/ielts/
http://www.ieltsbuddy.com

http://www.ebooksfree.in/2008/10/free-ebooks-ielts.html
http://www.4shared.com/…/qNC9PSi9/IELTS_Cambridge_books_1_-….

ده الي في بالي حاليا بالنسبه للايلتس.
ودي اهم واصعب مرحله. والافضل حسب ماسمعت تاخد الامتحان في
IDP centres
مش في British council centres
عشان بيتساهلوا اكثر بس شخصيا مجربتش.

الان ال GMC
قبلت امتحان OET
وده بديل عن ال IELTS
وهو طبعا اسهل

مصادر لل OET

https://drive.google.com/…/fo…/0B5y9fbjouaVhaklodGpPSzBSS2c…

https://drive.google.com/…/fo…/0B5y9fbjouaVhWGlpb1hiYUl2OWs…

https://drive.google.com/…/fo…/0B5y9fbjouaVhM2xEYzhURmxhbUU…
*********************************************
المرحله الثانيه والي هي اسهل مرحله
البلاب 1
موقع الجي ام سي لتقديم الامتحانات
http://www.gmc-uk.org/doctors/plab.asp

download all plab and ielts material from

https://www.facebook.com/groups/doctor.plab/files/

وممكن تدخل قناتي على التيلجرام عشان البلاب
You are welcome to my channal in Telegram to help doctors to pass Plab 1. Please share the link to join this channel
Download telegram app first then press the link

https://t.me/joinchat/ADi2dhDu-5bdAadFGot7PA

امتحان عبيط جدا وسهل جدا ممكن تحضرله في شهر وصراحه الي يسقط فيه اشك انه اتخرج من كليه الطب اساسا.
مكانه في مصر وممكن دول ثانيه كثيره
التحضير له بحل اسئله في جروب على الفيس بوك

https://m.facebook.com/profile.php…

الجروب ده له فضل كبير بعد الله في النجاح وكنا بنحل الاسئله مع بعض
طيب ايه الكتب الي محتاجها؟ ؟
محتاج تقرا مواضيع معينه في كتابين الي هم
Oxford handbook of clinical medicine
Oxford handbook of clinical spcialities.
وفيه تقريبا 1700 سؤال من البلاب السابق مع اسئله ثانيه قديمه محتاج كل سؤال تحله تقرا الموضوع بتاعه مثل سؤال عن
CORONARY heart disease
حضرتك تقرا الموضوع ده في الكتاب عشان تعرف الدنيا ماشيه ازاي.
وهكذا سؤال سؤال.
بفضل الله عملت جروب من 15 شخص وكنا ندخل على السكايب ونحل الاسئله مع بعض وبسبب ان كل واحد تخصص مختلف كان سؤال الباطنه يشرحه بتاع الباطنه والجراحه بتاع الجراحه وهكذا. كان الكل يعمل ميوت للميكرفون واثنين بس يحلوا والي عارف الاجابه ممكن يستاذن المكرفون ويتكلم ويشرح. كنا منظمين جدا وكنا سعات نخصص 20 سؤال لشخص واحد مطلوب منه يحلهم ويقرا مواضيعهم ويشرحهم. وبفضل الله كل الجروب نجح وكانت من اعلى الدرجات على الصفحه.
الجروب عليه ملفات الامتحان ممكن تدخل وتحملها

تجربتي مع بلاب 1
https://naseersjourney.wordpress.com/…/abu-khattabs-plab-1…/

******************************************
بالنسبه للمرحله الثالثه البلاب 2
مكانه بريطانيا فقط ولازم تقدم على فيزا

امتحان سهل بيشوف بتاخد هستري ازاي وبتفحص ازاي وبتدي علاج لحالات اساسيه زي
COPD OR ASTHMA
امتحان فعلا من اسهل المعادلات..
طيب تتحضر ازاي
بكل بساطه ثلاث اشياء
تحضر كورس في احد الاكادميات في بريطانيا ومدتها 10_14 يوم
وده مهم لانه بيعلمك اسرار الامتحان.
طيب ممكن انجح من غير الكورس؟ ؟ ممكن بس نادر ومخاطره منصحش حد ميدخلش كورس. تكلفته 600 باوند تقريبا غير الاقامه والسفر يعني محتاجلك اقل شي 1500 الى 2000 باوند في المرحله دي.
عشان كده ممكن ارخصلك تاخد
MRCP OR MRCS في مصر
مع الايلتس بدل البلاب لانك مش محتاج تسافر وطبعا بيبصوا على الزمالات افضل من البلاب
الطريق الثانيه تشوف فديوهات على اليوتيوب خاصه بالهستري والفحص مثلا
Hip or knee examination.

الطريقه الثالثه تقرا ملفات الاكادميات الي بتدرس البلاب وتفهمها وتطبقها أثناء شغلك كل يوم.
بس نصحتي متفوتش انك تاخد كورس عشان البلاب 2
احسن كورس برايي هو دكتور حامد.
شخصيه عبقريه عند خبره في الامتحان لفتره طويله وبيدرس في اكادميته بنفسه مقارنه باكادميات اخرى بيخلي بعض الاطباء الي نجحوا جديد في بلاب 2 يشرحوا للطلبه وكثير ناس اشتكت من الموضوع ده وسقطوا في الامتحان
موقع أكاديمية دكتور حامد

http://commonstations.co.uk

ممكن تتواصل معاهم او تبعتلهم ايميل وعندهم سكن قريب للأكاديمية تقيم فيه أثناء الكورس.

تجربتي مع بلاب 2

https://naseersjourney.wordpress.com/…/abu-khattabs-plab-2…/
******************************
المرحله الرابعه التسجيل
بعد ماتخلص بتقدم اوراقك في موقع الجي ام سي طبعا بتجيلك دعوه بعد نجاحك بتقديم اوراقك وبتدفع طبعا عشان يشوفوا اوراقك
مطلوب شهاده التخرج والامتياز والايلتس او زماله مع ايلتس
وبعد مايتوافق على ورقك بيطلب منك تحدد موعد عشان تروح الجي ام سي عشان يشوفوا اوراقك
ID CHECK
لازم تسافر عشان الخطوه دي.
طبعا بعد مايتحققوا من اوراقك بيدوك رقم تسجيلك على طول وتستطيع ان تمارس الطب في بريطانيا
****************
التكلفه العامه

والاسعار بالجنيه الاسترليني بتاريخ 5/2017

الايلتس 150 باوند
بلاب جزء الاول 230 باوند
بلاب جزء ثاني 840 باوند
كورس بلاب 2 في لندن حسب الأكاديمية مابين 500-850 باوند
السفر عشان كورس البلاب متفاوت حسب المده الي هتقعدها ومصاريفك بس خلي في بالك مصاريف يوميه مابين 50 الى 75 باوند اقل شيء
الطيران رايح جاي عشان الكورس والايدي تشيك مابين 250 الى 500 باوند حسب هتحجز قبل سفرك بكام يوم او شهر

فيه ناس كثير بتيجي تعمل الكورس قبل الامتحان باسبوع او اثنين وتمتحن وترجع . فيه ناس بتعمل كورس وترجع وتيجي على الامتحان ولو ظبطت اي دي تشيك قريب بتقعد لان بعضهم بيحصل شغل في الأكاديمية الي درس فيها بالساعه .
ونصحتي دايما تخلي حسابك ب 1000 باوند او اكثر لان متعرفش الظروف.

************************************

المرحله الخامسة مرحله التقديم على الوظائف
طبعا عن طريق الموقع الرسمي لل nhs
https://www.jobs.nhs.uk

بتعمل لنفسك بروفايل وتعبيه وتهتم بيه جدا جدا لان هو ده السي في بتاعك وبعدين بتدور على وظايف بعضها بيجيلك على الايميل وبتقدم .
معظم المستشفيات ممكن تعمل مقابله عن طريق السكايب وبعدها يبعتولك انهم وافقوا عليك ويعرضوا عليك مرتب قابل للنقاش من رايي انك تطلب انهم يضيفوا خبراتك ويرفعوا المرتب. لو وافقتم انتم الاثنين بيعملولك سبونسر شيب وبتاخدها على السفاره وبتاخد الفيزا وبتسافر.

سهله صح؟ ؟ ؟
الموضوع بس عاوز عزيمه وتوكل على الله فرص العمل متاحه جدا.
*******************************************
الحياه في بريطانيا

ايه ميزه بريطانيا
اولا: العدل زيك زي اي بريطاني او اوربي لك حقوق وعليك واجبات وكللكم امام القضاء سواء حقوق العمل واحده مفيش حاجه اسمها انت اجنبي وده بريطاني الفرق الوحيد هو فقط التصويت على الانتخابات
وانك متقدرش تشتغل بالساعه او لوكام في اي مستشفى ثانيه غير المستشفى بتاعتك لحد متاخد الاقامه.

ثانيا الامان: نسبه الامان كويسه جدا ومحدش بيتعرضلك بدام في حالك ومبتدخلش بارات ولاحانات
ثالثا: الناحيه الماديه المرتبات نوعا ما معقوله بس المشكله في الضرايب بس في الاخر بتعرف تحوش حاجه بسيطه ومرتبك بيكفيك اكل وشرب وضريبه ولبس وعربيه وحياه كريمه
رابعا: الخبره العلميه معقوله ولااقول انك هتبقى علامه لما تشتغل في بريطانيا الا اذا دخلت تدريب الامر بيختلف شويه.
خامسا: الترفيه اقل صراحه من دول الخليج وامريكا واستراليا هنا من الشغل على البيت لو عاوز افسح العيال بنروح نتغدى وشوبنج وومكن بارك يجروا شويه ويلعبوا وممكن تحوش وتسافر اي بلد تتفسح. بس طبعا مليون الحمدلله

سادسا: الرعايه الصحيه مجانيه متشلش هم ولو معاك 10 عيال لانك بتدفع ضريبه
علاج الاسنان مجاني للاطفال والحوامل بس اي حد اكبر من 18 سنه بيددفع علاج اسنان

سابعا: المدارس طبعا مجانيه وممتازه جدا وعيالك هيحبوها وهيعيطوا يوم الاجازه ويقولوك عاوزين نروح المدرسه لان هي عباره عن علم ترفيهي للاطفال مش تعقيدي
ثامنا: التدريب حصولك على التدريب ميزه لانك ممكن تبقى استشاري وتشتغل في اي مكان في العالم بمرتب عالي .
تاسعا: الجنسيه البريطانيه ومش محتاج اتكلم كثير عنها وطبعا ده بعد ست سنين ان شاء الله من اقامتك
عاشرا: الحياه الدينية كثير بيسال عن الموضوع ده. بريطانيا بلد الحريات الدينيه والحمدلله بمارس كل شعائري الدينيه من صلاه وصيام وصلاه جمعه في المستشفى بحريه تامه. وطبعا بردوا حسب انت في اي مكان في بريطانيا. افضل مدينه ممكن تلاقي فيها مساجد وعدد كبير جدا من اماكن تحفيظ القران والمدارس الاسلاميه والعربيه هي بيرمنجهام. لو عاوز تحس انك مش غريب انصحك بيها.
حتى المطاعم الحلال فيها في كل مكان ومش هتحتار ان شاء الله.
وكذلك بالنسبه للزملاء المسيحين في كنائس قبطيه في بيرمنجهام ولندن .

تكاليف المعيشة في بريطانيا ومرتبات الاطباء
*****

هنا اسعار اليوم بالنسبه لبريطانيا

في بريطانيا اسعار الساعه للطبيب الي شغال لوكام ( يعني شغال باليوميه ) هي كالاتي:
بعد الضريبه
SHO 25-30£/hour
Registrar 40-60£/hour
Consultant 60-90£ /hour
حسب التخصص ومدى رغبه المستشفى للزياده بسبب عجز مفاجي في الاطباء والمكان.

اليوم اللوكام الي هو عمل ثمانية ساعات كالاتي
حسبتها باقل سعر

240£ for SHO
320£ for registrar
480£ for consultant

(بالنسبه لااسعار المعيشه في بريطانيا (ماعدا لندن لانها ضعف الأسعار كالآتي وده معدل الاسعار المتوسط
.ايجار الشقه ب 450
. ايجار البيت ثلاث غرف نوم وصاله كبيره وحديقه ب 650
. ايجار بيت مشابهه للسابق مع كراج سياره 750
.كيلو اللحمه ب 8
. كيلو الدجاج 3
. كيلو الفواكه ب 1
.كيلوا الخضار 1
. الرز بسمتي الكيلو ب 1.5
. البنزين التر ب 1.20
.الديزل ب 1.10
. الباص ب 2.20 او الاتوبيس
. الكهرباء حسب استهالكك من 50-100
.والغاز ب 50-100
. كاونسل تاكس 90-100 ضريبه المدينه
ضمان للسياره مابين 600 الى 1600 سنويا
. سعر السيارات المتوسطه مابين 1500 الى 10000 حسب رغبتك

تقريبا معدل مصاريف اسره بتاكل اكل كويس جدا ولبس شيك وعربيه
مابين 1500-2500 شهريا
دخل الطبيب الحديث التخرج شهريا مابين 2200-2800
الأخصائي 2800-4200
الاستشاري 4200-6000
ملاحظه : مسموح ليك تشتغل لوكام في المستشفى او الترست الي انت شغال فيها في ايام اجزاتك.
متقدرش تشتغل لوكام فقط الا اذا حصلت على اقامه دائمه بعد خمس سنوات من اقامتك في بريطانيا
او عندك جواز بريطاني او اوربي او متزوج من اوربيه او بريطانيه وعندك اقامه.
ده بعد الضريبه

******************************
الاسئله الشائعه والردود عليها.

التخصصات المتوفره.
تقريبا كل التخصصات مطلوبه بس طبيب الاسره ميعرفش يشتغل طبيب اسره في بريطانيا لازم يدخل تدريب من اول وجديد
اول يقدم على
CESAR GP
وده بتقدم على من خلال الجي ام سي
http://www.gmc-uk.org/doctors/24630.asp

طيب يشتغل ايه ممكن يشتغل اطفال او باطنه او طواريء.
الجلديه والباثولجي معنديش فكره.
التدريب الي تنسى او صعب جدا تدخله هو اي حاجه فيها جراحه
مثلا

جلديه
عيون
جراحه
نساء وتوليد
اعصاب
جراحه اطفال
تخدير
عظام

الا اذا دخلت امتياز من اول وجديد وده ممكن تقدم عليه بعد حصولك على اي وظيفه في بريطانيا والتقديم بيكون في موقع اوريال

https://www.oriel.nhs.uk/Web/Account/LandingPage

التخصصات الي ممكن تدرب فيها
باطنه
اطفال
طب اسره او الجي بي
طواريء
*****************

التقديم على التدريب ؟؟ انقل لكم تجربه الدكتور Amir Georgy

https://www.facebook.com/groups/993713937321092/permalink/2028147327211076/
*****************
الفرق بين الوظيفه العاديه الي هي ترست جوب او ستاف جريد وبين التريننج جوب؟ ؟
التريننج انك تشتغل وبنفس الوقت بيدربوك عشان تبقى استشاري وده قليل انك تحصله من اول وظيفه.

بس سهل بعد وصولك بريطانيا انك تقدم على تريننج جوب زيك زي اي حد وانت وحضك. اعرف كثير اتقبلوا جي بي تريننج او باطنه واطفال تريينج بعد شهور من شغلهم الجديد.
هنا من حقك تحول بعد اشهر من وظيفه لللثانيه مفيش قيود عليك.
مفيش صعوبه. بس المنافسه عاليه في التريننج. ودخولك في التريينح بيعتمد على نوع التريينج. فمثلا الجي بي بيتعمل امتحانين امتحان نظري ممكن يتذاكره من مواقع معروفه زي الباسمدسن او ايميدكا
Emedica or pass medicine
والعملي بتاخد كورس في emedica .
بالنسبه للاطفال والباطنه وغيره من التخصصات بيكون انترفيو وبيعملولك سيناريو حالات ويشوفوا البورتفوليو بتاعك الي هو زي السي في وهل عملت
Audit
Research
Case discussion
وبيعملولك سكور ويقارنوك مع اقارانك وياخدوا الافضل
ممكن ياخدوا عشره مثلا حسب الايفايلبيلتي عندهم.
**************************
سؤال طيب اقدم على بلاب مع ايلتس ولا زماله مع ايلتس؟
لو معندكش اي تخصص لسه اعمل بلاب مع ايلتس
لو بتحب تخصص ولسه مخلصتش شي او عندك تخصص اعمل زماله مع ايلتس
لو تخصصك باطنه اطفال طب اسره او ممارس خد
MRCP
لو بتحب الجراحه او عندك جراحه او عظام او جراحات
MRCS
نسا وتوليد
MRCOG
طوارئ
MCEM or FCEM
......
البلاب امتحانه اسهل بكثير من الزمالات
البلاب2 لازم تسافرله بريطانيا وتعمل كورس في بريطانيا بس الزمالات لا ممكن تعمل كله في مصر
............
الي يعمل زماله مع ايلتس طبعا مرتبه هيكون افضل الي عامل بلاب مع ايلتس
الخبره بردوا لها دور ان ترفع مرتبك

مقارنه بين البلاب والزماله وايهما افضل

http://www.medicosrepublic.com/plab-or-mrcp-which-one-is-b…/
***************************************
طيب سؤال يادكتور افرض جيت على شغل عادي ومحصلتش تدريب اعمل ايه عشان ابقى استشاري عيون او جراحه مخ واعصاب او تخصص ميرضوش يدولي تدريب عليه؟ ؟ ؟
فيه حاجه اسمها cesar
ده عباره عن برنامج لغير المتدربين مفروض تعمل زماله
MRCS then Frcs
لو جراحات
MRCP then FRCP
لو باطنات
FCEM for emergency medicine
FRCOG for OBS&GYNA
FRCR for radiology
خلال الفتره دي مفروض الاستشاريين المشرفين عليك يمضولك على كل حاجه موجوده في كوريكولام التدريب ويتاكدوا انك مساوي لمستوى المتدربين
بعد مايشوفوا انك انجزت كل المطلوب منك
Sign your competency
بتقدم على حاجه اسمها
Article 14
وده عباره عن طلب للرويال كولج والجي ام سي ان مستواك مقابل لاستشاري عشان تترخص استشاري في الجي ام سي
وطبعا بياخدوا سنين عشان يردوا عليك وممكن ميردوش عليك وممكن يرفضوا. في الحاله دي ممكن تشتغل حاجه اسمها لوكام كونسالتنت
Locum consultant
وده استشاري معترف بيه في بعض المستشفيات فقط وليس في كل بريطانيا او في الجي ام سي
*********************

الدكتور Wael Attia
جزاه الله خيرا عمل فديو تفصيلي عن الجراحه في بريطانيا

https://www.youtube.com/shared?ci=ZkDJuXe8EDg
***********************
يادكتور انا محوش شويه فلوس عشان بدور على عروسه رأيك اتجوز ولااسافر بيهم؟
انا رايي ان سفرك لبريطانيا ممكن يسهل على الجواز بعد سنه من وصولك ان شاء الله. وليس العكس.
*****
يادكتور عمري حاجه واربعين سنه هو لسه فيه امل؟

ايه المشكله في عمرك مازال عندك قدره على العطاء. ممكن تخلص ايلتس خلال سنه وزماله بريطانيه في سنه . خلال سنتين انت في بريطانيا ان شاء الله.
فكر في اولادك.
***************
يادكتور انا محجبه وخايفه من العنصريه؟ ؟
انا زوجتي كمان محجبه الحمدلله ومفيش مشاكل حتى لو كنتي منتقبه. بس شرط العمل بدون نقاب بعد متخلصي شغل البسيه خارج المستشفى.
طيب افضل مدينه البس فيها نقاب براحتي؟
افضلهم على الاطلاق هي بيرمنجهام.

****************
طيب يادكتور اخاف ولادي لما يروحوا بريطانيا ينحرفوا؟ ؟
ممكن كدا انهم ينحرفوا بردوا في البلاد العربيه المهم التربيه واي مكان تسافرله. بس بصوره عامه المغريات للمراهقين هنا اكبر والتربيه اصعب لان الطفل هنا عنده حقوق فلازم تكون حذر. اللهم اني ابرا من الله في حاله انحراف اولاده او انحرافه هو شخصيا. نيتك لازم تكون مؤقته فقط. انت ممكن تظمن اولادك بس هل تظمن احفادك. مع الاسف قطاع كبير جدا من المسلمين هنا مبيعرفوش حاججه عن دينهم ولابيصلوا اصلا وبيتاعلموا بالربا ومفيش صلاه ولاعباده ولاحتى صيام. فاتقوا الله في انفسكم واهليكم وماهي الا متاع الدنيا. خليك في وسط بريطانيا لان المساجد في كثيره وحتى بالنسبه للزملاء المسيحين فيه كنائس قبطيه كثيره اكثر من الشمال والجنوب.
تعال خد الجنسيه وشهاده وارجع اي بلد عربي وده هدفي ان شاء الله.
*****************
يادكتور جوزي مهندس ممكن له فرصه؟
ممكن يقدم على ماجستير وتدفعي له انتي وبعد الماجستير ممكن يلاقي شغل بس مش اكيد.
سوق العمل البريطاني مكتض بالمهندسين غير المهاجرين من كل اوربا الي ليهم حق الاولويه.
************
يادكتور معنديش فلوس اقدر بيها على التكاليف ده كلها ايه الحل؟ ؟

اما ان تستلف وحد يصبر عليك سنتين
او تسافر الخليج كمرحله مؤقته.
انا سافرت السعودية 3 سنوات ومن فلوسها قدرت اسافر لبريطانيا وحتى الفيزا بتكون اسهل من دول الخليج.
*********************
هل لازم انتظر 5 سنين عشان الاقامه وسعتها هقدر اقدم على تدريب وهل السنين الي منتظر احصل فيه على تدريب محسوبه في التدريب؟

نظام قديم اتلغى. دلوقتي ممكن ان تحصل على اي وظيفه تدريبيه على طول.

فيه بعض التخصصات صعب تحصل عليها لان المقاعد قليله والعدد المتقدم كبير. يعني حتى البريطاني ممكن ميحصلش عليها لان فيه بريطاني ثاني احق منه.
لو مثلا جيت وملقتش وظيفه تدريبيه لمده سنه او سنتين او اكثر ولاقيت في الاخر طبعا بتبدي من الاول
CT1 or ST1
CT2 or ST2
ST3
وهكذا لحد متخلص.
عدد سنين التدريب من 3 الى 8 حسب التخصص.
طبعا مرتبك بيزيد كل سنه ولما بتدخل تدريب بيبقى على اخر مرتب. بس سعات مرتبك بيكون اعلى من الحد الي محددينه في التدريب فبينزلوا مرتبك شويه
********
انا عندي زماله طب اسره وعندي
int MRCGP
ينفع اشتغل جي بي في بريطانيا؟

بريطانيا كل منطقة فيها مركز طبي مسؤله عن الاسره في المنطقه دي والي شغال فيها اطباء عندهم زماله جي بي
MRCGP
انت كطبيب اجنبي متعرفش تشتغلىفي العيادات دي حتى لو عندك زماله اجنبيه في الجي بي او الفاميلي ميدسن.
من حقك تشتغل في المستشفى في تخصص معين زي الاطفال الباطنه الجراحه الطواريء وهكذا.
عشان تشتغل في المراكز الطبيه دي لازم يكون عندك زماله بريطانيه.
. في حاجه اسمها معادله التخصص وده ممكن تدور عليه في موقع الجي ام سي بيحتاجو منك اشياء شبه تعجيزيه عشان تعادل تخصصك وتدفع الف باوند ويردوا عليك بعد ستشهور. صراحه مشوار صعب جدا.
محتاجين مايقارب 900 ورقه لاثبات ان دراستك مشابهه للدراسه الزماله في بريطانيا وده مستحيل .حاولت امشي في المشوار ده ومعرفتش اجيب ورقه واحده من الموظفه عنيات 😂
***************
زميله تسال ايه فيزه اسهل البلاب ولا فيزه الزماله؟ ؟

التسجيل في الجي ام سي بالزماله البريطانية والايلتس فيزتها اسهل ولا البلاب.؟ ؟
طبعا التسجيل في الجي ام سي بالزماله اسهل لانك بتروحي يوم او يومين بتوثقي اوراقك وبتاخدي رقمك في الجي ام سي وبترجعي. فاقامتك بتكون اقصر والسفاره عارفه انك هتبقي دكتوره في بريطانيا وعيستفيدوا منك وهتدفعي ضرايب فنوعا ما بيتساهلو في الفيزا. بينما البلاب فيزتها اصعب لانك مظطره تبقي فتره اطول عشان الامتحان وكثير من الأطباء بيضربوا ومبيرجعوش على بلادهم وبيشتغلوا اي شغله وخصوصا الاطباء من اسيا او البلاد الي فيها حروب وضروف اقتصادية فبيصعبوا الفيزا .
فالزماله مع الايلتس فيزتها اسهل بكثير. (التسجيل في الجي ام سي )
بينما لو قصدك فيزا عشان تمتحني زماله في بريطانيا طبعا فيزتها اصعب من البلاب لان فيه مراكز كثيره حول العالم لاامتحان الزماله البريطانيه فيتكون فيزتها صعبه جدا. الا اذا كانت الزماله مش موجوده خارج بريطانيا.
****((****((((*****
الفرق بين التريننج والسيرفس جوب والتقديم ليهم؟

انت بعد التسجيل بتقدم على وظايف سيرفس جوب يعني مش تدريب وده متاح في كل التخصصات وده بتقدمله من موقع
Nhs job
وده بيروح للمستشفى الي مخليه اعلان على الموقع ده وبيستقبلوا السي في بتاعك وبيختاروا افضل المتقدمين وبيعملوا معاهم مقابله اما عن طريق فيس تو فيس او طريق السكايب لو انت عايش بره بريطانيا وعلى اساسه بيختاروا الافضل ويشغلوهم بعد الموافقه على المرتب.
بينما وضايف الترينينج ده بيتم عن طريق موقع التدريب
Oreil nhs uk
ده بتعمل عليه سي في وبتقدم على تدريب اطفال او عيون او جي بي او غيره.
بيتم اختيار الافضل والاكثر استحقاقا يعني البريطاني ثم الاوربي ثم غيره من الجنسيات.
فيه وظايف عاوزه 10 بس والمتقدمين مثلا ثلاثنين
عشره بريطانين وخمسه اوربين وخمسه غيرها من الجنسيات.
بيختاروا الافضل من العشره البريطانين الاول لو كلهم كويسين بياخدوهم كلهم ويقفلوا على الباقي لو مثلا خمسه بس كويسين وده نادر لان معظم الي بيتقدم من البريطانيين بيتقبل بسبب حسن التحضير وقوه الشخصيه والاهتمام.
بعد كده بياخدوا اكبر عدد من الاوربين الافضل ولو ملقوش ممكن يشوفوا باقي الجنسيات.
معظم الوظايف بتروح طبعا للبريطانين والاوربين ونادرا مايبقى حاجه للاجانب زي الجراحه والجلديه والعيون مثلا.
تيجي على تخصصات ثانيه زي الاطفال والباطنه والجي بي والنفسيه والطوارئ فيها عجز وعدد المطلوبين لسد هذا الاماكن بيكون بالالاف على مستوى كل بريطانيا بينما المتقدمين بيكون مساوي او اكثر بقليل. فبعد اختبارهم بتلاقي فقط
80% او
90%
من الاماكن اصبحت شاغره وباقي الاماكن مازالت فاضيه عشان كده دايما فيها
*********************
هل امتحن زماله ولا بلاب عشان اسجل في
GMC?

السؤال الرد عليه يعتمد على عده امور:
اولا من الناحيه الماديه امتحان الزماله اغلى والامتحان اصعب للدكتور الي معندوش تخصص
يعني لو انت عندك تخصص باطنه او اطفال او جراحه الزماله اسهلك لان البلاب فيه اطفال ونساء وجراحه وجلديه وغيرها من التخصصات.
الي بعيده عنك.
الزماله صراحه بتفتحلك مجالات اكثر في العمل لان معظم المتطلبات ان يكون عندك الجزء الاول من الزماله وسعات الاجزاء كلها. بس ده مبيمنعش ان يكون معاك بلاب بس.

*********************
هل اقدر اشتغل في بريطانيا بالايلتس بس بدون بلاب او زماله جزء 1 بس؟

ايوه ممكن عن طريق
MTI
https://rcpsg.ac.uk/…/internati…/medical-training-initiative

دكتور احمد عادل كتب تقرير كامل عنه وده الرابط الي عمله جزاه الله خيرا.

https://m.facebook.com/story.php?story_fbid=1921359661235316&id=100000839032661&ref=m_notif&notif_t=group_highlights

او عن طريق حاجه اسمها سبونسرشب

https://www.gmc-uk.org/…/registration_…/list_of_sponsors.asp
***********
اللهم اني بريئ ممن اتخذ هذا البوست لغرض الهجره النهائيه لغير بلاد الاسلام او سفر الطبيبات بدون محرم.

اللهم بلغت اللهم فاشهد

الرجاء عدم طلب اضافه او ارساله رساله على الخاص لان صفحتي خاصه ومبضفش غير اقارب وصديق اعرفه مشكورين.
اي سؤال اعرف اجاوبه هجاوبه هنا ان شاء الله ومش محتاج تبعتلي خاص لاني مش هارد خاص معذره.

بالتوفيق للجميع